فساد ينخر بيت الرئيس البشير [الأرشيف] - °¤§©¤ منتديات أسمر السودانية ¤©§¤°

مشاهدة النسخة كاملة : فساد ينخر بيت الرئيس البشير

ليل الفرح

09-30-2010, 10:28 AM

بعد انقلابه على استاذه الترابى فى العام 1999م قام الرئيس البشير بجمع مجموعة من الصحافيين من بينهم محمد طه محمد أحمد و أحمد البلال الطيب ليبرر ما قام به من غدر وخيانة تجاه ولى نعمته و من إتخذه مطية للإنقلاب على الديمقراطية... و قد أغلظ البشير الايمان يومها بأن كل ما يملكه هو مرتبه كضابط بالجيش و قدره 350 الفا فقط لا غير...

قبل فترة قليلة خرج علينا البشير فى لقاء صحفى و قد صرح بأن بنت أخيه تسكن معه فى منزله و لاتجد عملاً و هو لا يستطيع أن يتوسط لها كى تلتحق بأى وظيفة...صورة الشخص الزاهد المتواضع المحب للشعب كانت هى ما يروج له البشير كذبا و زوراً، و نفاقاً كلما ما أتيحت له فرصة...و لم تنطلى كل أكاذيبه على أحد اللهم إلا إذا كان يصدقها هو نفسه كيف لا و هو عسكرى...لكن لأجدادنا حكمة كبيرة عندما قالوا " حبل الكضب قصير "...فها هى الأيام تكشف عن مدى كذب و تضليل البشير وكم أنه يكذب ويتحرى الكذب حتى أصبح منافقاً هو حتى النخاع...

فلنبدأ بكشف القناع عن نفاق البشير و نتابع ثروات أهل بيته واحداً واحداً و لنبدأ بالاخ الأكبر محمد حسن أحمد البشير أستاذ اللغة العربية بالمدارس الابتدائية...قام محمد بتصديق قطعة أرض بكافورى ليبنى عليها مجمعاً للمدارس و تحور الحلم فجأة بقدرة قادر و تحول من مجمع مدارس لمجمع سكنى فخم ..!! تم نقل كل أقرباء الرئيس من قرية حوش بانقا للإقامة فيه و هو معروف الآن باسم حوش بانقا وسط سكان كافورى القدامى...محمد هو مؤسس و صاحب مؤسسة معارج الخيرية و التى يتخذها ستاراً ليمارس نشاطاته و التى كان أخرها الإنجاز الإعجوبة وهو مركز سناء للتسوق بما يعرف سابقاً بإسم مجمع العارف بالله احمد حسن البشير (والد الرئيس) وتم تغييره لاحقاً لإسم مجمع النور...حيث ان أول ما تلاحظه بذلك المجمع إنه بنى لآل الحظوة حيث أن مواقف السيارات تفوق مساحتها مساحة المسجد أى أن المسجد صمم لاشخاص يقدمون إليه على صهوة فارهات و ليس على الأقدام كغالب أهل البلاد...

المسجد فخم بصورة مبالغ فيها..مسجد مترف لايشبه فقراء بلادى و لا أحسبه يقبل عند الله فى بلاد جاعت كلابها..!! عند دخولك أسوار المسجد تلاحظ لافتة موضوعة على إستحياء على الطابق الأرضى منه مكتوب عليها مركز سناء للتسوق و المركز أحدث من مركز عفراء مول بشارع المطار...من أين لمحمد استاذ اللغة العربية بالمدارس الابتدائية كل هذا..؟!! هلا جلس فى بيت أمه و أبيه و نظر أيهدى له أم لا...

بعد تكدس الثروات لدى محمد طفق يجرب حظه بالكتابة و التأليف فطبع كتاب " يوميات تلميذ بالمدرسة" يحكى فيه عن طفولتهم الفقيرة و يعتز بما كنزه من ثروات من عرق جباه فقراء بلادى و بالنجاح الذى أصابه لانه أخ الرئيس.....

أطرف ما يحكى عن العباس أخ البشير هى قصة الضباط المعتقلين بسجن كوبر و المعروفين باسم "الدرجو العباس"... حيث أرادت شركة عربية شراء أراضى مملوكة للجيش جنوب المستشفى العسكرى بأم درمان و لكن هؤلاء الضباط مسئولون عما يعرف حينها بصندوق دعم القوات المسلحة...طلب البشير من هؤلاء الضباط إكمال صفقة البيع و أن "يدرجو أخيه العباس معهم"...إلتفتت المجموعة للأمر الأول و نست الثانى فقاموا ببيع الاراضى و تحصلوا على مليارات ادخلوها لجيوبهم الخاصة و فى خضم الإنشغال نسوا وصية البشير و لم يدرجوا العباس...وعندما علم الرئيس بذلك تم القبض عليهم وتمت محاكمتهم وإسترداد جزء من المال العام منهم و القوا بسجن كوبر...و هم موجودين هناك لمن أراد الزيادة...

العباس أول أخوان البشر سعياً وراء الثراء الحرام فهو عضو مجالس إدارة العديد من الشركات التى تنقده الملايين كل شهر لتوفير الحماية لها و لأعمالها...العباس أثرى ثراءً فاحشاً حين أصبح المزود الوحيد لأسمنت سد مروى وفرض بعدها سيطرته على كل أسواق الأسمنت ليرفع أسعاره متى شاء ويخفضها متى إقتضت مصالحه ذلك... ومنذ دخول الرجل سوق الأسمنت لم تشهد أسعاره إنخفاضاً قط...فمن زيادة لأخرى حتى وصل سعر الطن اسعاراً فلكية مقارنة بدول المنطقة...(الآن السوق تحت سيطرة علي كرتى)...العباس سافر على رأس كل الوفود التجارية الحكومية...العباس ترأس كل وفود المشتريات المسافرة للخارج لشراء مستلزمات تقنية و فنية...العباس ترأس حتى وفود الجيش التى سافرت لشراء الاسلحة والمعدات العسكرية..كل المؤسسات الحكومية أدرجت العباس بلا كلل و لا ملل.. حتى أصبح أخصائيا لا يشق له غبار في مجال المشتروات الحكومية الخارجية ووسيطا شهيراً بمنطقة الخليج...

الدكتور عبدالله حسن أحمد البشير و أخوه علي سارا على نفس خطى العباس و اثرياء ثراء سريعاً...فهم أيضا يوفران الحماية للعديد من الشركات بالبقاء بعضوية مجالس إداراتها..

القائمة التالية تحتوى على بعض تلك الشركات...و يقوم الرجلان بفرض أتاوات على الشركات الأجنبية بل وفى بعض الأحيان يشترطان أن يصبحا شركاء فى رأس المال وإلا فلن تحصل الشركة على وساطتهما أو حمايتهما...و هو ما تم مع العديد منها..

عبدالله و علي حسن احمد البشير أخوي عمر البشير وعبدالعزيز عثمان و عبدالباسط حمزة و غادة ساتى و مندور المهدى و آخرين:

1/ مجموعة زوايا
2/ عفراء مول
3/ روتانا السلام
4/ مصنع زوايا للطوب
5/ مصنع الراوابى للألبان و العصائر
6/ مجمع رهف السكنى
7/ زوايا للمعولمات و تقنية الاتصالات
8/ زوايا الهندسية
9/ زوايا للخدمات
11/ زوايا للصناعات الغذائية
12/ زوايا للخدمات الطبية و البيطرية
13/ نهر شاري
14/ شركة لاري كوم السودانية
15/ سودابل

على حسن أحمد البشير و عبد الله حسن أحمد البشير شقيقا الرئيس:

هاى تك

تتبع لها شركات كبيرة مثل شركة

1- هاى تك للبترول
2- هاى تك كيميكال
3- هاى تك للخدمات الهندسية المتقدمة
4- مجموعة التقنية المتطورة (هاي تك قروب) ـ العمارات شارع 31
5- هاي كوم
6- هاى كونسولت
7- شركة السودان للسكك الحديدية الحديثة
8- هاى كوم (شركة اتصالات)
9- بشاير فيما بعد اريبا ثم MTN
10 - شركة الفاركيم للصناعات الدوائية
11- شركة التعدين المتقدم
12 -شركة التجارة و الكيماويات المتقدمة
13- مدينة جياد الصناعية ـ ولاية الجزيرة
14- شركة جياد لإنتاج السيارات والمركبات الثقيلة
15- شركة جياد الصناعية ـ الخرطوم عمارة بشير محمد سعيد
16- شركة بتروهلب للنفط الرياض
17- شركة رام للطاقة المحدودة الرياض شارع المشتل
18-شركة الأعمال التجارية والكيميائية المتقدمة المحدودة
19-شركة اتكوكو لصناعة الجوالات البلاستيكية
20-مصنع ابن حيان للصودا الكاوية
21- أتكوكو لصناعة الأسمنت
22- شركة أتكوكو لأعمال السكة حديد
21- اسهم بكنار تل
للاطلاع على القائمة الكاملة لشركات الكيزان الرجاء زيارة مدونتى:
ncpboycott.blogspot.com/

يقوم على الصديق حسن احمد البشير المزارع البسيط بقرية صراصر و قريب البشير بإستلام مبلغ مئتى مليون جنيه شهريا من القصر الجمهورى لا لشئ إلا لينفقها على بعض المقربين و أهل الحظوة بمسقط رأس البشير...قرية صراصر...و هى قرية صغيرة جداً تقع على الطريق بين مدينتى طابت و الحصاحيصا...و لكن لأنها مسقط رأس الرئيس فقد تمت سفلتة شوارعها الداخلية فى بادرة تنم على محسوبية بالغة حيث أن كل القرى حولها لم تنل شرف سفلتة و لابوصة بما فى ذلك المدينتين اللتين حولها..
المسافر على طريق الاسفلت الى طابت غرب الحصاحيصا يمر على القرية و يجد عند مدخلها لافتة خضراء مكتوب عليها كلية البشير التقنية و لا يجد شئيا بعدها إلا الأرض الخلاء...يقول البعض ان محمد البشير و بعد ان ينتهى من مجمع العارف بإلله احمد حسن البشير بكافورى سيوجه موارد الدولة لبناء تلك الكلية ويقول آخرون أن الكلية ما هى الا لافتة نصبها أخ الرئيس محمد أحمد البشير و ذلك لخداع أهل المنطقة فى إنتخابات ابريل 2010 و ذلك لأن خصمه عن المؤتمر الوطنى وقتها هو الشيخ رجب الذى جلب دعماً إماراتيا لسفلتة شارع طابت و كان محمد محتاجاً لإنجاز يرفع من قدره ليتأهل لمنافسة الشيخ رجب...ولما فشل فى إقناع أى أحد آثر الانسحاب من المعركة الانتخابية...و تركت اللافتة معلقة على الطريق...

زوجة البشير الأولى فاطمة خالد ركبت الموجة و عملت منظمة أم المؤمنين و هى على حسب ما هو معروف عنها هى منظمة خيرية.. و ما لا يعرفه أحد أن تمويلها يتم من حسابات حكومية و يكفى ان زوجها على قمة مجلس إدارة بنك أم درمان الوطنى لذا فكل أموال البنك تحت تصرفها...

الزوجة الثانية وداد بابكر ركبت الموجة وعملت منظمة إسمها منظمة سند الخيرية و التى تضخ لها الأموال من بنك أم درمان الوطنى بلا حساب...المعروف أن البنك الدولى كان قد طلب من السودان توفيق أوضاع البنوك و ذكر بنك امدرمان تحديداً و ذلك للفوضى الضاربة باطنابها فى أضابيره و إجراءاته التى تتم فيها صرف مليارات بمذكرة صغيرة...السيدة وداد معروفة فى مجال الكومشينات و البيزنس و يكفى إنها اول إمراة سودانية تتلقى عمولة و قدرها مليار جنيه سودانى و هى صاحبة فيلا اولاد المرحوم الشيخ مصطفى الامين حاليا ...

.......البشير قال : نريد من المواطنين أن يدعوا لنا في الدنيا ويشهدوا لنا في الآخرة...كيف يدعو لك المواطنيين و أنت و اهلك تـأكلون لحمهم و تشربون عرقهم نهاراً جهاراً دون حسيب أو رقيب. وهل تحسب أنك بحاجة لشهادة أكثر من السجل الإجرامى لأهلك و أقربائك..!!

ونقول له .. قال الرسول صلى الله عليه وسلم: " لو أن فاطمة بنت محمد سرقت لقطع محمد يدها."...لقد سرق آل بيتك وولغوا فى الحرام حتى تكوّرت أجسادهم من شحم السحت...

شوقي حسين

mr-love

09-30-2010, 12:04 PM

لك التحية . . .
معلومات مهمة لازم كل مواطن سوداني يقرا الموضوع أو البوست ده
وشكـــراً

ماكس

09-30-2010, 01:51 PM

الرفيع

09-30-2010, 03:53 PM

وعندما علم الرئيس بذلك تم القبض عليهم وتمت محاكمتهم وإسترداد جزء من المال العام منهم و القوا بسجن كوبر...و هم موجودين هناك لمن أراد الزيادة...

ليل الفرح ماهذا التناغض الغريب عملت علي تعرية الرئيس، وعائلتة ووصمتهم بالمنافقين، واللصوص، وووالخ ...!!

"أخي الفاضل مانقلته هنا ليس بالحقيقة المُثبتة عليك أت تأتي إلينا بالوثائق والأدلة القاطعة

لإثبات حديثك هذا ...!!! ،،، ومنتظر عودتك" ...كل الود ،،،

غروري ضروري

09-30-2010, 07:07 PM

ماكس

09-30-2010, 07:16 PM

ˇ SANDRA ˇ

09-30-2010, 07:43 PM

noor-asmer

09-30-2010, 08:11 PM

سطرر شـديـد]|-

10-02-2010, 12:52 PM

ZEZE

10-02-2010, 01:00 PM

شوقى حسين دا منو ؟؟

ليل الفرح

10-03-2010, 10:48 AM

لك التحية . . .
معلومات مهمة لازم كل مواطن سوداني يقرا الموضوع أو البوست ده
وشكـــراً

شكرا سيدى على مرورك ويبدو انك اكثر المارين اتطلاعا على احوال السودان من قريب جدا

ليل الفرح

10-03-2010, 10:55 AM

من اين لك هذا؟؟

يا ليل الفرح ام تي ان دي مش شركة عربية؟؟

خلاص بقيتها حقتهم وبعدين ياخ اغتشي كان تخلي ليك كم شركة

كملت الشركات كلهم ما خليت شركة لي زول كلها حقت اسرة البشير وزويه

كلامك دا ما منطقي ولا في شي بخلينا نصدقوا

فشوف ليك درب تاني يا انت

البشير دا سيييييييييييدنا وتاج راسنا وكان حرقكم قولوا حرقنا ساي

ياخ شركات الخرطوم كلها اديتها لي اهلو لا اتزكرت وليد بن طلال ولا البرير ولا اي رجل اعمال في البلد

دي بقيت اي شي حق اهل البشير

مسكين انت

شكرا اخى ماكس على مرورك الكريم ... لست ادرى ما هى الادله التى يمكن ان تقتنع بها ... وكيف يتم تقييم الادله عندك .
افتح عناوين الشركات فى الانتلانت وابحث عن صاحبها او مديرها العام وستجد ان ما تم كتابته واقع حقيقى حتى وان اصريت انت على الانكار.
والحقيقه انا لم اكتب المقال ولكننى نقلته بالكامل مع اسم الكاتب ... وانا على يقين من ان الكاتب لا يكذب ولا يتجمل.
شكرا اخى ماكس مرة اخرى على مرورك الذى اثرى البوسط

ليل الفرح

10-03-2010, 11:29 AM

ليل الفرح ماهذا التناغض الغريب عملت علي تعرية الرئيس، وعائلتة ووصمتهم بالمنافقين، واللصوص، وووالخ ...!!

"أخي الفاضل مانقلته هنا ليس بالحقيقة المُثبتة عليك أت تأتي إلينا بالوثائق والأدلة القاطعة

لإثبات حديثك هذا ...!!! ،،، ومنتظر عودتك" ...كل الود ،،،

اخى الرفيع يسعدنى دائما مرورك وتعجبنى تلك الروح فى نقدك ...تلك الروح التى هى مزيج من الواقع والاستفسار مع وضع الدليل بصورة لم يسبقك عليها احد.
اقتبست جزء وكان دليلا على الفساد فساد بيت الرئيس ... فان شاركتك اسرة الرئيس تمت تبرئتك وان رفضت ان يشاركوك كان مصيرك السجن والتشهير.
اى ادلة تريدها من صاحبة النحله للبترول ؟ والتى احتكرت الغاز الا عن طريق طرمبات النحله؟؟؟؟
من صاحبة شركة المواد التموينيه التى احتكرت السكر وكل المواد التموينيه فى رمضان ؟؟ ورفعت اسعارها الى السماء رغم فتاوى شيوخ المملكه بان احتكار السلع فى رمضان حرام شرعا؟؟؟؟
من هى اول امراه تحصل على رتبة لواء فى السودان ؟؟؟انها سعادة اللواء نور الهدى بمستشفى الشرطه وهى ابنة عم الرئيس وزوجة اخوهو وهى اختصاصية نفسيه ... مع العلم ان مستشفى الشرطه ممتلى ب اخصائى النفسيه من قبل ان تاتى هذه اللواء شرطة يعنى مافى حوجه ليها .. وللعلم هى اسوا اخصائية نفسيه ولما لمعوها فى التلفزيون بجيبوها تتحدث عن المخدرات وتقرا من ورقه والاسئله زاته بقروها ليها وهى تجاوب من ورقته من كراسه ما من راسه.
شكرا اخى الرفيع على مرورك لانه يحمل نكهه خاصة

ليل الفرح

10-03-2010, 11:53 AM

كلام من غير اي ادله ..
بتتكلم كأنك بتقول في حقائق مثبته و احنا علينا نصدقها ..
طيب وين ادلتك ..
ما بعيد تقول انو النفيدي و البرير و حجار و الوليد بن طلال زاتو اولاد الرئيس ..
لما تقول كلام بالشكل ده ..
مفروض تكون عندك مصادر موثوقه ..
جبت منها الكلام ده ..
بعدين بتقول انو المنظمات الخيريه لزوجات الرئيس ..
بيصرف عليها بنك ام درمان ..
لمجرد انهم زوجات الرئيس ..
يعني اسي واحده راجلها مدير بنك معناها هي و راجلها ناهبين البنك ؟
و الله دي مشكله ..!!

شكرا لك صاحبة الغرور الضرورى على هذا الاصرار على تسجيل المرور.
اعود بك الى الوراء قليلا قبل المفاصله اعلن الترابى الامين العام للمؤتمر الوطنى فى ذلك الوقت ان الفساد قد وصل فى وسط الاسلاميين الى 9 بالمائة وهذا الخبر قد تصدرته كل الصحف فى ذلك الوقت .. واعلن الترابى انهم ينظرون الى مجاهداتهم ووقوفهم مع الحركه الاسلاميه فى وقت كانت الحركه الاسلاميه فى اشد الحاجه اليهم لذلك طالب الترابى الاسلامين باعادة كل شى الى مكانه ولن تتم محاسبتهم ... وهذه التصريحات كلها بالصحف اليوميه... وقبل قرارات رمضان ب اقل من اسبوع.
ثم تفجا الشعب السودانى بقرارات رمضان التى تخلت عن المصلحين وقربت المفسدين ليصبح الفساد بنسبة تفوق المائة بالمائه ... وانجرف الرئيس وزوجاته واسرته الكريمه فى هذا الفساد ... ف اصبحنا نسمع برجال اعمال نساء هن بنات عمه وبنات خاله واخواله كسابقه اولى فى تاريخ السودان.
ثم انهار التجار القدامى ... وظهر الاثرياء الجدد
وانهارت التربيه والتعليم بل اصبحت محاربة ب ادارة التعليم غير الحكومى
وانهارت الصحة واموال الاطباء اصبحوا يقتسمونها فيما بينهم لتجويع وازلال الاطباء تماشيا بالمثل القائل جوع كلبك يتبعك... ونسو ان الحره تجوع ولا تأكل بثدييها.
انا لست الكاتب وكتبت لك اسم الكاتب فى اسفل المقال والكاتب هو احد المقربين من الاسره الحاكمه اى بطانة الفساد .
ارجو ان اكون قد اجبت على استفساراتك ... وان كنت مقتنعا تماما بهذا الفساد مثلما انا مقتنع بانه لا داعى لهذا الغرور ... شكرا لمرورك مرة اخرى وكلماتك تدل على الثقة بالنفس وقوة المنطق لذلك مرورك اضافة حقيقية لهذا البوست

الرفيع

10-03-2010, 12:11 PM

اخى الرفيع يسعدنى دائما مرورك وتعجبنى تلك الروح فى نقدك ...تلك الروح التى هى مزيج من الواقع والاستفسار مع وضع الدليل بصورة لم يسبقك عليها احد.
اقتبست جزء وكان دليلا على الفساد فساد بيت الرئيس ... فان شاركتك اسرة الرئيس تمت تبرئتك وان رفضت ان يشاركوك كان مصيرك السجن والتشهير.
اى ادلة تريدها من صاحبة النحله للبترول ؟ والتى احتكرت الغاز الا عن طريق طرمبات النحله؟؟؟؟
من صاحبة شركة المواد التموينيه التى احتكرت السكر وكل المواد التموينيه فى رمضان ؟؟ ورفعت اسعارها الى السماء رغم فتاوى شيوخ المملكه بان احتكار السلع فى رمضان حرام شرعا؟؟؟؟
من هى اول امراه تحصل على رتبة لواء فى السودان ؟؟؟انها سعادة اللواء نور الهدى بمستشفى الشرطه وهى ابنة عم الرئيس وزوجة اخوهو وهى اختصاصية نفسيه ... مع العلم ان مستشفى الشرطه ممتلى ب اخصائى النفسيه من قبل ان تاتى هذه اللواء شرطة يعنى مافى حوجه ليها .. وللعلم هى اسوا اخصائية نفسيه ولما لمعوها فى التلفزيون بجيبوها تتحدث عن المخدرات وتقرا من ورقه والاسئله زاته بقروها ليها وهى تجاوب من ورقته من كراسه ما من راسه.
شكرا اخى الرفيع على مرورك لانه يحمل نكهه خاصة

بدايتاً: لك التحية أخي الفاضل .. وبعد ...

ثانياً: آي دليل هذا الذي تتحدث عنة ؟؟!!

الجزئية التي إقتبستها بها تناغض ينثف كل مازكر قولة من إدعاءات ومساس

بحق أفرآد بعينهم بدون الإتيان بادلة علي مازكر ..

وعندما علم الرئيس بذلك تم القبض عليهم وتمت محاكمتهم وإسترداد جزء من المال العام منهم و القوا بسجن كوبر...و هم موجودين هناك لمن أراد الزيادة...

بالله عليك ماهذا التناغض الجزئية زركت بها بأن عندما علم الرئيس تم القبض عليهم

طيب كلام جميل جداً عزيزي الفاضل أنت إتهمت الرئيس في شخصه وهنا تزكر عندما علم بهم

الرئيس تم القبض عليهم يعني البشير دا زي مازكرت فاسد وأيضاً الفساد ينخر بيتة وعائلتة ..!!

وتجي تقول لي عندما البشير علم بهم تم القبض عليهم ..!!! دي كيف دي فسرة لي ..!!!

وتمت محاكمتهم يعني البشير قام بإجراء اللازم إذا أفترضنا جدلاً بأن الكلام دا موثوق بة وموثق

في السجلات الجنائية ..!! طيب ما الذي دعاك بأن تقول البشير فاسد ووووالخ ... ؟؟!!!

ثالثاً: أخي الفاضل المنبر حر وللنقاش الهادف والنقد البناء .. وإختلآف الرآي لايُفسد للود قضية

ولسنا دُعاة كبت الرآي، والتسلط علي الغير او خلافة .. فقط عندما تأتي بقول غير موثوق منه

وبيمس في شخصيات بعينها بغض النظر عن حجمها في المجتمع فهذا يعتبر إفكاً وبهتآناً ..!

سألتك في مداخلتي الأولي ولم تُجبني نريد منك آدلة وبرآهين علي الكلام الزكرتو ..

ختاماً: اخي أعلم تماماً انْ العاطفة سلاح فتاك أفتكر الكل هنا وأعي لما يدور من حولة

و العاطفة في الخطاب معروفة تعمل علي هدم الفكرة ولا تأتي بالنفع للجميع إنما تستخدم

لأجندة شخصية ضيقة ...!!

منتظر عودتك .. كل الود والتقدير ،،، :)

بسْمةَ أَملْ·.·•

10-03-2010, 12:17 PM

مسااء الخييير على من اختلفت بينهم الأراء في ليل الفرح !
/
ليل الفرح .. طييب ياسيدي !
أول حاجة بس حابة ألفت انتباهك لنقطة معينة .. ألا وهي انو حضرتك ناقل الكلام ده باسم الشخص المذكور أعلاه !
حتى ولو كنت متآكد بنسبة 100% من صحة المعلومات اللي ذاكرها الشخص ده , فما في يدك أي دليييل ثابت , والمقصود بالدليل هنا ( أوراق أو مواقع الكترونية أو حتى مستندات تثبت صحة كلامكم ده ) !
والا كانت تبقى البلد سايبة .. واي زول عاوز يقول حاجة عن الرئيس أو أهله يقوول وخلاااص من غير شي يثبت صحة كلامو أو منطق معين ماشي بيهو
انت اتكلمت وقلت وحكاية القروش الكتيرة الظهرت فجآة للرئيس وأهله دي , هي محور كلااامك كللللللو ..حتى في تكذيبك لانو الراتب الأساسي للبشير كان 350 جنيه ..
ده انا بعتبروا بصورة خاصة مجرد تكذيب عشوائي .. ماليهو اساس من الصحة
وبعدين عاوز تقنعني حاليا .. انو البشير ده بفترة حكمو دي كلللللللها
راتبه مازاد بالسعة اللي تخلي عندو الاملاك دي كلها اذا استثمر القروش دي صح !
ماشرط انو حضرتك أبدا تعرف هو عمل بيها شنو ولا دخلها وين ولا طلعها من وين .. ومامعنى برضو انك ماتعرف معناتا طوالي هو زول مش ولا بد في قروشو ..:( ( ده باعتبار انو الأملاك دي كللللللللها جد جد على قولتك حقتو هو واهلو ) ^^
والا كان يبقى الوليد بن طلال وود الجبل والبرير وناس القوصي واي زووول عندو قروش مجرد زول حرااامي
وبعدييين ناهيك عن ده كللللو , هسسي اي راجل في الجييش أو عندو رتبة كبيرة في البلد , ماأظن أبدا انو حيكون أقل بكتير من البشير في مداخله وقروشو !
هسسي الرئيس ده لو كان اكتنز القروش دي وماظهرها وماعمل بيها حاجة للبلد كنتوا برضو حتدقوا جررس , وتتكلموا وتقولوا البلد خربانة وناسها بياكلوا القرووش براهم ومابيوروا الشعب منها شي ( طبعا هو الكلام ده برضو بيتقال حاليا .. بس الحمد لله ) :1eye::1eye:
هو لما عمل المسجد ده , وحتى لو كان على حد وصفك حاجة مبهرجة ..
مش نحمد ربنا من الاساس انو فكر يعمل بيها شي يرفع من عمران السودان شووية !
ولو على مواقف السيارات .. فدت شي والله متماشي مع الديزاينس الجديدة للمساجد في اي بلد في العــآلم .. وحضرتك لما قلت فقراء بلدي وبتاع
مافي بلد في العالللللللللللم ده كلو , كل اللي فيها عايشين مستوى واحد
والمسجد ماأظن انو مكتوب عند بابو يافطة ..( للمروقين فقـــط ) !
ولو على كلامك ده معناتا ملوك ورؤساء البلاد ديل كللللللهم ( وخصوصا الدول الخليجية ) على بعض حرامية وناس بتاعين بهرجة وكلام فاضي
لما تمسك أي موضوع دايما عشان تناقش فيهو ياأخ ليل , شوف كل الجوانب في الاول .. وماتلقي السهام المسموومة بلا دليل على عنق المتهم !
لأنو كان مات في يدك وانت ظالمو .. تبقى اشكالية والله

وولاأزال أتتبع خيوط الموضوع معــك
الى أن نحط عـــلى بر الاقتناع

وسلآمتـــــكم [Only Registered Users Can See Links]

ليل الفرح

10-03-2010, 12:34 PM

يعني انا امش اقتل تلاته واغتصب اربعين بت

وانهب واسرق واجي لي امك تطلعني براءة مش بعرفا؟:bigsmile:

ليه يا سيد ماكس اصلك بقيت الكاردينال صاحب سبدرات وزير العدل الاسبق ... والذى شطب كل البلاغات المجهه ضد الكاردينال عشان صاحبه ... وامر شرطة الجمارك ان تشطب بلاغها الموجه ضد الكاردينال فورا .
المشكله قام صاحبنا الكاردينال شطح ورفع قضية ضد جريدة الانتباهه لانها اساءت لسبدرات ... فشطبت المحكمه بلاغه واصدرت قرارها بتبرئة خال البشير بل اضافت ان الشاكى الكاردينال صاحب سوابق.
وطبعا الكاردينال اتهور عشان كدا اتعور
كيف انت تشتكى واحد من الاسره الحاكمه ؟؟؟
بعدين جريدة الانتباهه وقفوها لانو القزافى الرئيس الليبى قال اذا ما وقفت هذه الجريده ح يفتح الصحف والاعلام الليبى للمعارضه السودانيه.... الجدير بالزكر ان الانتباهه شتمت القزافى حينما استقبل خليل ابراهيم ونعتته باسوأ الالفاظ كان السبب الحقيقى لايقافها.
تانى شكرا يا ماكس لمرورك

ليل الفرح

10-03-2010, 01:13 PM

أصلا كلام حتى العقل مستحيل يصدقو ..

حتى لو كان في حاجة بالشكل دا .. ما ممكن تكون بالكم دا كلو ..

يعني انت ما خليت شي !!

غير كدا زي ما قالو لآزم انت يكون عندك مصدر ..

و مصدر موثوق عشان تجيب منو المعلومات دي !!

و ما عشان انت مثلا بتأيد حزب .. يبقى باقي الأحزاب غلط !!

و في الأول و الأخير ..

البشير سيدنآ و فوق رآسنآ ..

شكر ا ساندرا على مرورك الانيق
اسمحى ان اختلف معك قليلا ... للتاكد من الحقائق اعلاه يلزمك مجهود بسيط فتح النت واخذ معلومات بسيطه عن كل شركه لمعرفة من المسئول ومن صاحبها ومن مديرها... فهذه الاشياء اصبحت فى متناول الجميع واصبح المفسدين لا يختشون من فسادهم ما دام حامى الفساد هو الرئيس شخصيا.
كلامك جميل ونصيحتك غالية وانا ما اتهمت اى حزب بانو غلط... لكن نقلت كلام الكاتب اعلاه واقتنعت به بعد ان رايت القرائن وحتى لا اكرر الكلام راجعى ردودى السابقه.
اما قصة سيدك البشير دى وفوق راسك حقوا تراجعى نفسك فيها شويه ...
ان يكون سيدك خائف يرتجف من المجتمع الدولى ومطلوب للعداله الدوليه ولا يستطيع الخروج الى لبلاد تبزانا... مثل مورتانيا التى نبى لها فندق سبعه نجوم واضخم مجمع تجارى فى موريتانيا ... وتشاد التى وعدناها بان نصدر لها الكهرباء مجانا وشعبنا اذا لم يستطع تسديد الفاتوره نقطعها منه.
وقطر التى اعطينا رجال اعمالها بالسودان ميزه خاصه ...تفوق كل رجال الاعمال
والسعوديه التى فتحنا لها ولشركاتها الكبرى كل الاراضى ودون مقابل بل صادرناها من اصحابها السودانين لنعطيها للسعودين ليزلونا فى بلادنا كما يزلوننا فى بلادهم.
ومصر التى لم تكتفى ب حلايب وشلاتين بل استقلت الموقف خير استقلال واصبحت تبتز سيدك الهارب من العداله والذى لو خرج يكون خروجه مكلف جدا لشعب السودان المغلوب على امره.
شكرا مره اخرى على مرورك..ز ولعله حال الانثى دائما تترك عطرها خلفها ... ف شكرا لك لعطرك الذى تناثر وعطر هذا البوست

lil.Nono

10-03-2010, 01:19 PM

كــووز ^^!

ليل الفرح

10-03-2010, 01:31 PM

!!!!!!!!!!!!

المتهم برئ حتى تثبت ادانته..فمابالك ببرائته من تهم غير معقولة ذي دي!!!!

يعني كدا ميزانية السودان حاجه ضخمة جدا..!!!

عايزين دليل علي كل كلمه من الكلام دا...!!

وكمان عايزينك تعرف انو المنتدى لتبادل المعرفه والفائدة...وليس للتشهير..

وخصوصا اذا كان بالرئيس..!!!

وكمان انت بتجي تخت المقالة وتمشي يوم واحد اقعد ناقش في الكلام البتجي شايلو دا ...!!!

وقول كلام معقول ..يليق بالعقليات اللي في المنتدي..لانك مابتتعامل مع اطفال..!!!

اولا شكرا مس اسمر على مرورك... واسال ان يهدينى ويهديك ويحفظك واياك ...
سبق وان تحدث اننا فى عهد اصبحت فيه المعلومه متاحه ... ف بمجرد ضغط زر بسيط على ازرر الانترنت يمكنك التاكد من المعلومات اعلاه.
انا لا اشهر باحد ... اننا ننقد وننتقد كل من يجلس فى مكان عام ...
الذى يجلس فى كرسى الرئاسه السودانيه اصبح ملك لنا وعلينا ان ننقده وننتقده ... وكل من يحتل مكان عام معرض للنقد والانتقاد ... والذى لا يقبل النقد فليجلس فى بيته ويكفينا شره وانظرى هل نتوجه له بالنقد؟؟؟
اننا نمارس حقنا الدستورى... انظرى كيف انتقد الصحف الفرنسيه الحكوميه قبل المعارضه ساركوزى وسياساته
وكيف انتقدت صحف الحكومهرئيسة وزراء المانيا ....
وكيف استجوبت الحكومه الاسرائيليه رئيس الوزراء شارون ورئيس الوزراء الذى خلف شارون فى قضايا الفساد والرشوى.
هل منصب الرئيس تماما كالكاهن الذى يبيع صكوك الغفران فى الكنيسه حتى نطلب منه الغفران .. ام انه اله علينا ان نوجه المصلى عليه ونصلى ... ام انه سيد كما زكرت العزيزه ساندرا .. سيد لنا ونحن له عبيد فينهب كما يشاء ويسجن كما يشاء ويقتل كما يشاء ويسرق كما يشاء وما علينا الا ان نمارس الطاعه العمياء للص الذى يحكمنا.
انا اتعامل مع عقليات احترمها واوقرها جدا ... كما اننى احب الاطفال واحب التعامل معهم ... لكن كما قلت لك بضغط زر يمكنك مراجعة كل المعلومات ... ف الان المعلومه متاحه للجميع ولان اللص فى اعلى هرم السلطه اصبحت العزة للصوص فى وطنى الجريح
شكرا مرة اخرى على المرور ... واسف على تاخير الرد وكان ذلك بسبب عطل فى كمبيوترى ومشاكل فى الاتصال .. فعذرا مس اسمر

بسْمةَ أَملْ·.·•

10-03-2010, 01:41 PM

بعدين رئيسنا ال برقص على انغام ستونه فى افلام عادل امام وهنيدى ... تتوقعى شنو من رئيس زى دا؟؟؟

سؤال بسسس !
هو البوست ده ليهو علااقة بششنو بالظبط ؟
السرقة ولا الرقيص ولا الواسطات ولا شنو ياأخ لييل ؟!
كان كده يبقى رؤساء الدول العربية ديل كلهم فاااسدين ,
اللي هم بيحضر حفلات بحضور فيفي عبده ودينا وراقصات الوطن العربي
جات على ستونا الغلبااانة :confused:
:confused::confused::confused:
ماعلينا !
وبعدين حتى لو رقققققص وان شاء الله عمل ماعمل
( مع اني أول مرة أسمع بالحكاية دي بررضو ) :confused:
كيف يعني أتوقع شنو من رئيس زي ده ؟!
هو ياربي رقصو ومشاركته للناس في اي شيييي
بقت نخر في بيته ؟؟!
واتاحة لينا اننا نتهم ونتهم ونتهم من غير منطق معييين ..؟!
لأنو شايفاك هسي ربطت الرقيص بتاعو .. بـ تشكيك في اخلاقياتو
والله الشعب السوداني ده أكتر شعب في الدنيا بيحب الهجيييج والرقيص !
ومامعنى انو رقص في مناسبة أو غيرها .. ده بيدينو ويبقيهو مجرد زول فاسد
والا كان الشعب السوداني ده كلللللللو فااااااسد
ياريت لو توضح لي فهمك في النقطة دي ياأخ ليل !
وياريت برضو لو توطي صوتك شووية في الأمور دي
بالذات انو ماعندك دليل ثابت
اتقاءا للمشاكل السياسية بس :)

ليل الفرح

10-03-2010, 01:49 PM

‏.

كدي دآيرين نعمل إنقلآب عسكري ..

نجرب ! 5 سنة بس بتلقوني في كرسي الريس..

إنت محل نوري وود الريح للعمآري الجيد بتآعت البشير برضو ؟؟

وفي الآخر ، حريقة في السيآسـہ والخسآســہ والإخترع السيآســــہ زآتو !!

‏.

الرائع الساخر سطر جديد ... اسعدنى تسجيل مرورك
تتزكر لما قررت الحكومة محابة تجار العمارى ... حتى قيل ان الصعوت اصبح فى شبه ازمه وخرج طلاب الجامعه الاهليه فى مظاهرات وكانوا يهتفون :(نجاهد كيف من غير كيف)
الضرائب الباهظه التى يدفعها تجار العمارى الجيد وغير الجيد تستطيع ان تبنى شركات المؤتمر الوطنى بدون اى مشاكل.
ثم تعتقد ان هذه الضرائب تذهب للتعليم او الصحه ... او حتى للتصريف استعدادا للامطار والخريف؟؟؟... بالطبع الاجابه لا
اذا اين تذهب هذه الضرائب الباهظه واطفالنا فى المدرسه الحكوميه يدفعون ثمن الكراريس والكتب والطبشير والكهرباء والمويه وحتى العوائد يدفعها ابنائنا ... اذا ما الذى تدفعه الحكومه.
هل تصرف الحكومه فى الصحه ؟؟؟ هل ذهبت الى مستشفى حكومى وقابلت الطبيب مجانا .؟.. وفحصت مجانا ؟... واخذت علاجك مجانا ؟... بالطبع ستكون اجابتك لا
الشى الوحيد المجانى فى المستشفى هو شهادة الوفاة وتصريح الدفن.
هل المحليات التى تاخذ النفايات والعوائد ورسوم البرنامج الاسعافى لاصحاح البيئة .. ورسوم الملاريا ورسوم ورسوم ورسوم ...هل دفعت للمتضررين من الامطار شى ام نهبتها لمصالح خاصه لاشخاص معينين ... وليغرق البقيه وليذهبو الى الجحيم
والبقيه هى احنا وكل الشعب السودانى الذى يدفع للنظام دون مقابل
شكرا لك سطر جديد على المرور الساخر وانتظر تعليقاتك الرائعه

ليل الفرح

10-03-2010, 01:56 PM

شوقى حسين دا منو ؟؟

شكرا زيزى شوقى هو الكاتب وحتى لا ادعى الفضل لى فينبغى ان نرد الحق لاصحاب الحق... وشوقى حسين معلوم عنه انه كان من الحركه الاسلاميه ثم اصبح مؤتمرا وطنيا مع الحزب الحاكم بعد ان تم ايداع قادة المؤتمر الشعبى بيت يوسف عليه السلام بعد المفاصله الشهيره فى رمضان .. فهو من المقؤبين للحزب الحاكم ولست ادرى كيف كتب هذا واين هو الان؟؟؟
شكرا زيزى اسعدنى تسجيل مرورك وارجو ان اكون قد اجبت على سؤالك

ليل الفرح

10-03-2010, 02:03 PM

بدايتاً: لك التحية أخي الفاضل .. وبعد ...

ثانياً: آي دليل هذا الذي تتحدث عنة ؟؟!!

الجزئية التي إقتبستها بها تناغض ينثف كل مازكر قولة من إدعاءات ومساس

بحق أفرآد بعينهم بدون الإتيان بادلة علي مازكر ..

بالله عليك ماهذا التناغض الجزئية زركت بها بأن عندما علم الرئيس تم القبض عليهم

طيب كلام جميل جداً عزيزي الفاضل أنت إتهمت الرئيس في شخصه وهنا تزكر عندما علم بهم

الرئيس تم القبض عليهم يعني البشير دا زي مازكرت فاسد وأيضاً الفساد ينخر بيتة وعائلتة ..!!

وتجي تقول لي عندما البشير علم بهم تم القبض عليهم ..!!! دي كيف دي فسرة لي ..!!!

وتمت محاكمتهم يعني البشير قام بإجراء اللازم إذا أفترضنا جدلاً بأن الكلام دا موثوق بة وموثق

في السجلات الجنائية ..!! طيب ما الذي دعاك بأن تقول البشير فاسد ووووالخ ... ؟؟!!!

ثالثاً: أخي الفاضل المنبر حر وللنقاش الهادف والنقد البناء .. وإختلآف الرآي لايُفسد للود قضية

ولسنا دُعاة كبت الرآي، والتسلط علي الغير او خلافة .. فقط عندما تأتي بقول غير موثوق منه

وبيمس في شخصيات بعينها بغض النظر عن حجمها في المجتمع فهذا يعتبر إفكاً وبهتآناً ..!

سألتك في مداخلتي الأولي ولم تُجبني نريد منك آدلة وبرآهين علي الكلام الزكرتو ..

ختاماً: اخي أعلم تماماً انْ العاطفة سلاح فتاك أفتكر الكل هنا وأعي لما يدور من حولة

و العاطفة في الخطاب معروفة تعمل علي هدم الفكرة ولا تأتي بالنفع للجميع إنما تستخدم

لأجندة شخصية ضيقة ...!!

منتظر عودتك .. كل الود والتقدير ،،، :)

لو ترك المفسدون لشقيق الرئيس ان يفسد معهم فلا الحساب
الحساب والمحكمه ليس لانهم مفسدين بل لانهم لم يتركو لشقيق الرئيس فرصه للنهب معهم ..
والا اين محاكمة الذين نهبوا طريق الانقاذ الغربى؟؟ واين محاسبة الذين ارتكبوا المجازر فى مختلف مناطق السودان؟؟؟
الان علمت لمن تنعقد المحاكم يا سيدى؟

ليل الفرح

10-03-2010, 02:48 PM

مسااء الخييير على من اختلفت بينهم الأراء في ليل الفرح !
/
ليل الفرح .. طييب ياسيدي !
أول حاجة بس حابة ألفت انتباهك لنقطة معينة .. ألا وهي انو حضرتك ناقل الكلام ده باسم الشخص المذكور أعلاه !
حتى ولو كنت متآكد بنسبة 100% من صحة المعلومات اللي ذاكرها الشخص ده , فما في يدك أي دليييل ثابت , والمقصود بالدليل هنا ( أوراق أو مواقع الكترونية أو حتى مستندات تثبت صحة كلامكم ده ) !
والا كانت تبقى البلد سايبة .. واي زول عاوز يقول حاجة عن الرئيس أو أهله يقوول وخلاااص من غير شي يثبت صحة كلامو أو منطق معين ماشي بيهو
انت اتكلمت وقلت وحكاية القروش الكتيرة الظهرت فجآة للرئيس وأهله دي , هي محور كلااامك كللللللو ..حتى في تكذيبك لانو الراتب الأساسي للبشير كان 350 جنيه ..
ده انا بعتبروا بصورة خاصة مجرد تكذيب عشوائي .. ماليهو اساس من الصحة
وبعدين عاوز تقنعني حاليا .. انو البشير ده بفترة حكمو دي كلللللللها
راتبه مازاد بالسعة اللي تخلي عندو الاملاك دي كلها اذا استثمر القروش دي صح !
ماشرط انو حضرتك أبدا تعرف هو عمل بيها شنو ولا دخلها وين ولا طلعها من وين .. ومامعنى برضو انك ماتعرف معناتا طوالي هو زول مش ولا بد في قروشو ..:( ( ده باعتبار انو الأملاك دي كللللللللها جد جد على قولتك حقتو هو واهلو ) ^^
والا كان يبقى الوليد بن طلال وود الجبل والبرير وناس القوصي واي زووول عندو قروش مجرد زول حرااامي
وبعدييين ناهيك عن ده كللللو , هسسي اي راجل في الجييش أو عندو رتبة كبيرة في البلد , ماأظن أبدا انو حيكون أقل بكتير من البشير في مداخله وقروشو !
هسسي الرئيس ده لو كان اكتنز القروش دي وماظهرها وماعمل بيها حاجة للبلد كنتوا برضو حتدقوا جررس , وتتكلموا وتقولوا البلد خربانة وناسها بياكلوا القرووش براهم ومابيوروا الشعب منها شي ( طبعا هو الكلام ده برضو بيتقال حاليا .. بس الحمد لله ) :1eye::1eye:
هو لما عمل المسجد ده , وحتى لو كان على حد وصفك حاجة مبهرجة ..
مش نحمد ربنا من الاساس انو فكر يعمل بيها شي يرفع من عمران السودان شووية !
ولو على مواقف السيارات .. فدت شي والله متماشي مع الديزاينس الجديدة للمساجد في اي بلد في العــآلم .. وحضرتك لما قلت فقراء بلدي وبتاع
مافي بلد في العالللللللللللم ده كلو , كل اللي فيها عايشين مستوى واحد
والمسجد ماأظن انو مكتوب عند بابو يافطة ..( للمروقين فقـــط ) !
ولو على كلامك ده معناتا ملوك ورؤساء البلاد ديل كللللللهم ( وخصوصا الدول الخليجية ) على بعض حرامية وناس بتاعين بهرجة وكلام فاضي
لما تمسك أي موضوع دايما عشان تناقش فيهو ياأخ ليل , شوف كل الجوانب في الاول .. وماتلقي السهام المسموومة بلا دليل على عنق المتهم !
لأنو كان مات في يدك وانت ظالمو .. تبقى اشكالية والله

وولاأزال أتتبع خيوط الموضوع معــك
الى أن نحط عـــلى بر الاقتناع

]وسلآمتـــــكم [Only Registered Users Can See Links] [/size]

شكرا بجد شكرا سلاف المطر على المرور واختيار الالفاظ والعبارات ذات الجرس والموسيقى وشكرا لانك وصفتينى بالطيبه وهذا لان اصلك طيب.
تحدثت سابقا وقلت نحن فى زمن المعلومات فيه متاحه وسهل الحصول عليها...
روساء البلاد الخليجين بنوا بلادهم ..ما زى الوهم بتاعنا البشيل القروش ويختها عند اسرتوا يستمتعوا بكل ثروة السودان براهم ... اذا كانت المساجد فى هذا الزمن الاغبر بتدفع المويه والكهرباء ... والكهرباء جمره ...
فى زمن نميرى الشيوعى المويه والكهرباء كانت مجانيه ... الى ان اتوا هولاء الذين لا دين لهم يحكمهم ولا قيم او اخلاق تقيدهم ففرضوا الضرائب حتى على المساجد.
راجعى ردودى ستجدى فيها اجابة لكل تساؤلاتك انشاءالله

ليل الفرح

10-03-2010, 02:53 PM

سؤال بسسس !
هو البوست ده ليهو علااقة بششنو بالظبط ؟
السرقة ولا الرقيص ولا الواسطات ولا شنو ياأخ لييل ؟!
كان كده يبقى رؤساء الدول العربية ديل كلهم فاااسدين
اللي هم بيحضر حفلات بحضور فيفي عبده ودينا وراقصات الوطن العربي
جات على ستونا الغلبااانة :confused:
:confused::confused::confused:
ماعلينا !
وبعدين حتى لو رقققققص وان شاء الله عمل ماعمل
( مع اني أول مرة أسمع بالحكاية دي بررضو ) :confused:
كيف يعني أتوقع شنو من رئيس زي ده ؟!
هو ياربي رقصو ومشاركته للناس في اي شيييي
بقت نخر في بيته ؟؟!
واتاحة لينا اننا نتهم ونتهم ونتهم من غير منطق معييين ..؟!
لأنو شايفاك هسي ربطت الرقيص بتاعو .. بـ تشكيك في اخلاقياتو
والله الشعب السوداني ده أكتر شعب في الدنيا بيحب الهجيييج والرقيص !
ومامعنى انو رقص في مناسبة أو غيرها .. ده بيدينو ويبقيهو مجرد زول فاسد
والا كان الشعب السوداني ده كلللللللو فااااااسد
ياريت لو توضح لي فهمك في النقطة دي ياأخ ليل !
وياريت برضو لو توطي صوتك شووية في الأمور دي
بالذات انو ماعندك دليل ثابت
اتقاءا للمشاكل السياسية بس :)

البوست يتحدث عن فساد الرئيس واسرته
وان لم تسمعى برقص رئيسنا على انغام ستونه ف افتحى اليو تيوب ويمكنك ان ترى بام عينيك وقد بثها التلفزيون الحكومى من القاهره لايف.
لو شاهدتى افلام عادل امام وهنيدى لان مثل هذه الادور ترفضها جميع الجنسيات لانها تسئ الى بلادهم
شكرا ايتها الغاليه على مرورك مرة ثانيه

lil.Nono

10-03-2010, 03:15 PM

البوست يتحدث عن فساد الرئيس واسرته

وان لم تسمعى برقص رئيسنا على انغام ستونه ف افتحى اليو تيوب ويمكنك ان ترى بام عينيك وقد بثها التلفزيون الحكومى من القاهره لايف.
لو شاهدتى افلام عادل امام وهنيدى لو زكروا بيت دعاره بيجيبو ستونا عشان تمثل صاحبة بيت الدعاره لان مثل هذه الادور ترفضها جميع الجنسيات لانها تسئ الى بلادهم

شكرا ايتها الغاليه على مرورك مرة ثانيه

كدي آول شي الرئيس منو ! عمر البشير ولآ رئيس تـآني !!

وصح ستونـآ دي انا شفتها آ في كم فلم كدة في تمثيلها ما ياهو ! مرة هي زاتها ست البيت !
صح كلامك في بعض الاساءة !
وتسلم !

الرفيع

10-04-2010, 06:01 AM

لو ترك المفسدون لشقيق الرئيس ان يفسد معهم فلا الحساب
الحساب والمحكمه ليس لانهم مفسدين بل لانهم لم يتركو لشقيق الرئيس فرصه للنهب معهم ..
والا اين محاكمة الذين نهبوا طريق الانقاذ الغربى؟؟ واين محاسبة الذين ارتكبوا المجازر فى مختلف مناطق السودان؟؟؟
الان علمت لمن تنعقد المحاكم يا سيدى؟

طيب كلام جميييل ..

بدايتاً: أخي الفاضل من تعقيباتك زكرت بأنك لم تعرف الكاتب واين هو الآن وكيف كتبة ؟؟

خوفي تكون كاتبو انت ونسبتة للمدعو شوقي حسين ..!!

ماذا نفهم من كل هذا الحديث ؟؟!!

وثانياً: من كلامك دا أثبت بنفسك أن الكلام غير موثوق به ..! بدلالة أنك لم تعرف كيف كتبة ،

وأين هو، من أين أتيت به !؟! ،،، فالنفترض أنه منشور في المواقع .. لكن ما هي معايير مصداقيتة

وصحتة لكي تقوم بالتطبيل خلفة، ودفاعك المستميت عن الذي زُكر صحيح ؟؟!

فقط نريد منك دلائل موثوقة دون النوآح علي أطلآل العوآطف الثائرة منك ..

ختاماً: كل الشكر والتقدير .. ومنتظر عودتك ،،،

ليل الفرح

10-04-2010, 10:10 AM

طيب كلام جميييل ..

بدايتاً: أخي الفاضل من تعقيباتك زكرت بأنك لم تعرف الكاتب واين هو الآن وكيف كتبة ؟؟

خوفي تكون كاتبو انت ونسبتة للمدعو شوقي حسين ..!!

ماذا نفهم من كل هذا الحديث ؟؟!!

وثانياً: من كلامك دا أثبت بنفسك أن الكلام غير موثوق به ..! بدلالة أنك لم تعرف كيف كتبة ،

وأين هو، من أين أتيت به !؟! ،،، فالنفترض أنه منشور في المواقع .. لكن ما هي معايير مصداقيتة

وصحتة لكي تقوم بالتطبيل خلفة، ودفاعك المستميت عن الذي زُكر صحيح ؟؟!

فقط نريد منك دلائل موثوقة دون النوآح علي أطلآل العوآطف الثائرة منك ..

ختاماً: كل الشكر والتقدير .. ومنتظر عودتك ،،،

شكرا اخى على مرورك وشكرا على تنبيهاتك لى فى بريدى الشخصى وشكرا لك على تزكيرى بقوانين منتدى النقطة الساخنه واسال الله ان يجعلها فى ميزان حسناتك.
سواء اكنا اتفقنا او اختلافنا هناك اشياء ثابته لايستطيع ان ينكرها الا مكابر من ضمنها الفساد فى السودان ... ساحاول بقدر الامكان عدم زكر رئيسنا الهمام.
الفساد قد استشرى فى السودان وازكم الانوف والذى لم يشم روائح الفساد فى السودان ولم يسمع به عليه مراجعة طبيب الانف والاذن والحنجره ... واختصاصى العيون ايضا ....
فقد تنكر العين ضو الشمس من رمد.
اندهش لكلمة دلايل وثايق المتكرره ... كل الذى ترونه ليس بدليل
هل سمعنا قبل الانقاذ بنساء رجال اعمال؟؟؟
وكيف ظهرنا بسرعة الصاروخ واستولوا على السوق السودانيه؟؟؟
ومن هن اصلا هولاء النساء رجال الاعمال السودانيات ...؟؟؟؟...
هل زوجة النفيدى وزوجة الوليد بن طلال وزوجة البرير من ضمنهم؟؟؟؟؟
مالكم كيف تحكمون
ام اعتدنا على الهتاف والتصفيق للنظام الجاسم فوق صدورنا ويسعى الى تقسيم الوطن وتفتيته..
ام اصابنا الرعب من الجلاد فاصبحنا ك بطانة فرعون التى لا ترى الا ما يريها اياه فرعون.
هذا عصر المعلومات كلف نفسك عناء ضغط الزر وابحث عن الشركات التى زكرها الكاتب وستجد كل التفاصيل.
واصدقك القول لقد احسست وتحسست كلام الكاتب اعلاه حتى وجدته صحيحا فنقلته ... واحسست كان الكاتب يكتب ما اريد انا كتابته ... ف اتهامك باننى الكاتب هو شرف لى ... ولكن حتى لا ابخس الاخرين حقهم ساكتب لك الرابط لمعرفة من هو الكاتب
[Only Registered Users Can See Links]
اسال الله ان اكون قد توفقت فى الاجابه ... وشكرا على تاكيد مرورك...كما لا يفوتى ان اشكر كل من مر وسجل مروره مويدا لكاتب المقال او معارضا... وشكرا للذين مرو مرور العابرين دون تسجيل ف اكتفوا بالقراءة فقط... وشكرا للذين تفاعلوا بعنف وكانت نتيجة التفاعل اهتزاز للزهر فانتشر الشذى على صفحات البوست.
ب اختصار شكرا للجميع